Օրերս հանրային շրջանակներում քննարկվում էր հարցը, թե հանրային տիրույթում որոշակի հետևորդներ ունեցող խումբը ինչպես կարող է հրապարակավ անհարգալից վերաբերմունք դրսևորել հատուկ կարիք ունեցող մարդկանց նկատմամբ՝ դա համարելով «հումոր»։
Ծնողական համայնքի բուռն արձագանքներից հետո հրապարակած «ներողությունը» ամենևին չի կարող լրացնել այն բացը, որն ակնհայտորեն առկա է խնդիր ունեցող մարդկանց վերաբերյալ նման պատկերացումների ու գիտելիքի բացակայության պատճառով։
«Մեդիան հանուն կրթության» ՀԿ-ն հրապարակավ ատահայտվող խբերին կոչ է անում հարգել մարդու իրավունքների հավասարությունը, դրսևորել գիտակից և պատշաճ մոտեցում յուրաքանչյուր անձի նկատմամբ։
Միևնույն ժամանակ անհրաժեշտ է հանրակրթության բոլոր օղակներում ապահովել փոխադարձ հարգանքի ու շփման մշակույթի վերաբերյալ անհրաժեշտ պակերացումներ։ Ուստի պետական մարմիններին կոչ ենք անում լինել հետևողական, կրթական օղակներում նկատի ունենալ հանրության մեջ, ցավոք, տարածում գտած թյուր պատկերացումների հանգամանքն ու մշակել դրանց չեզոքացման արդյունավետ ուղիներ։
