Սեպտեմբերի 1-ին Արցախում և ՀՀ սահմաններին առկա իրավիճակի պայմաններում ՀՀ վարչապետ Նիկոլ Փաշինյանն այցելել է Արմավիրի մարզի Պտղունք բնակավայրի Տիգրան Մեծի անվան նորակառույց դպրոց և Երևանի Մուրացանի անվան թիվ 18 հիմնական դպրոց:
Երկրի ղեկավարի այցի ժամանակ անվտանգության հատուկ միջոցառումներ են իրականացվել, որոնց հետցանքով անհարմարություններ են պատճառել դպրոցականներին, ուսուցիչներին ու ծնողներին՝ ստուգել են անձնական իրերը, անգամ ծաղկեփնջերը։ Նման իրավիճակն անթույլատրելի է. ոչ մի կերպ չի կարող արդարացվել նոր բացվող ուսումնական հաստատություն մուտք գործող դպրոցականների տպավորություններն աղավաղելը։
Որևէ տրամաբանական բացատրություն չկա, թե վարչապետի համար ի՞նչ վտանգավոր իրեր կարող էին դպրոց բերել երեխաներն իրենց պայուսակների ու ծաղկեփնջերի մեջ։ Հատուկ քննարկման առարկա է հարցը, թե ինչո՞վ են առաջնորդվել վարչապետի այցն ապահոված անձինք՝ անտեսելով անգամ հատուկ կարիք ունեցող երեխաների հանգամանքը։
«Մեդիան հանուն կրթության» ՀԿ-ն անընդունելի է համարում վարչապետի անվտանգության ապահովումը առաջին օրը դպրոց ոտք դնող երեխաների համար խիստ արտասովոր իրավիճակ ստեղծելու հաշվին։
