«Մեդիան հանուն կրթության» ՀԿ–ն հետևում է էթիկական լրագրության կանոններին։
Բողոքների դեպքում դիմել
Դիտորդ մարմին։
Լուսանկարը` Մատենադարանի
Այս օրը նշվում է 1994 թվականից՝ ի հիշատակ 1966 թվականի հոկտեմբերի 5-ին Փարիզում ՅՈՒՆԵՍԿՕ-ի և Աշխատանքի միջազգային կազմակերպության ընդունած Ուսուցիչների կարգավիճակի վերաբերյալ հանձնարարականի։
Փաստաթուղթը սահմանում է ուսուցիչների իրավունքների և պարտականությունների, մասնագիտական պատրաստության, աշխատանքի պայմանների, վարձատրության և մասնագիտական կարգավիճակի վերաբերյալ միջազգային չափանիշներ։ Այն ընդգծում է նաև, որ ուսուցչի կարգավիճակը պետք է համապատասխանի կրթության կարիքներին, իսկ հասարակության կողմից ուսուցչի աշխատանքի նկատմամբ պատշաճ վերաբերմունքը կրթության նպատակների իրականացման կարևոր պայման է։
«Այս տարի ՅՈՒՆԵՍԿՕ-ն և Աշխատանքի միջազգային կազմակերպությունը վերանայում են այդ փաստաթուղթը՝ հաշվի առնելով կրթության և ուսուցչի մասնագիտության առջև ի հայտ եկած նոր մարտահրավերները։ Դրանց թվում են թվային տեխնոլոգիաները, կլիմայի փոփոխությունը, ներառականությունը, միգրացիան և տեղահանումը։ Ուսուցչի կարգավիճակի մասին խոսելիս ուշադրության կենտրոնում են ոչ միայն մասնագիտության հասարակական հեղինակությունը, այլև ուսուցչի մասնագիտական ինքնուրույնությունը, որոշումների կայացմանը մասնակցությունը, աշխատանքի ծանրաբեռնվածությունը, աշխատավարձը և աշխատանքային պայմանները»,– նշված է ՅՈՒՆԵՍԿՕ-ի պաշտոնական կայքում։
