Երեխաների նկատմամբ դաժան վերաբերմունքի մեղադրանքով առավելագույն՝ 4 տարվա ազատազրկման է դատապարտվել youtube-ում ազդեցիկ դարձած 40-ամյա Ռուբի Ֆրենքը։ Հայտնում է BBC-ն։
Ռուբի Ֆրենքը ԱՄՆ Յուտա նահանգի դատարանում զղջացել է երեխաների նկատմամբ դաժան վերաբերմունքի համար։ ֆրենքից բացի նույնչափ պատժի է ենթարկվել նաեւ նրա նախկին 54-ամյա ընկերը։
Ֆրենքի յութուբյան ալիքը 2015-ից ի վեր ուներ 2 մլն հետեւորդ։
Ծնողավարությամբ զբաղվող վլոգերները մեծ աղմուկ էին բարձրացրել, երբ հայտնաբերել էին Ֆրենքի երեխաների նկատմամբ դաժան վերաբերմունքի կադրեր։ Հետո սկսվել էր ստորագրահավաք, 2022-ից այդ նյութերը դարձել էին իրավապահների քննության առարկա։
Պարզվել է, որ ծնողավարությունից այդքան խոսող կինն իր 9, 11 տարեկան երեխաներին ստիպել է թռչկոտել կակտուսների վրա, քնել անհարմար պարկերի վրա, ամենաշոգ եղանակին առանց արեւապաշտպանի աշխատել կիզիչ ճառագայթների տակ, Ծննդյան տոներն արգելել է որպես պատիժ…
Դատավճիռը կարող է բողոքարկվել 30-օրյա ժամկետում։
