«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Դոնեցկի մարզի պաշտոնական կայքի
ԱՄՆ-ի դպրոցներում բջջային հեռախոսների արգելքից 1 տարի անց ուսուցիչներն արձանագրում են ավելի հանգիստ դասարաններ և ավելի անմիջական շփում աշակերտների միջև։
ԱՄՆ նահանգների մոտ երկու երրորդն արդեն ընդունել է դպրոցներում բջջային հեռախոսների օգտագործումը սահմանափակող կանոններ։ Վերջին օրինակներից է Նյու Յորք նահանգը, որտեղ 2025 թվականի սեպտեմբերից գործող արգելքի առաջին տարվա արդյունքներով ուսուցիչները հայտնել են դասարանային շեղումների նվազման, աշակերտների ներգրավվածության աճի և նրանց միջև սոցիալական կապերի ամրապնդման մասին։
Հարցված մանկավարժների կարծիքով՝ աշակերտներն ավելի ակտիվ են մասնակցում քննարկումներին և ընդմիջումների ընթացքում ավելի հաճախ են շփվում՝ հեռախոսների միջոցով հաղորդակցվելու փոխարեն։ Նման դիտարկումներ են արձանագրվել նաև KIPP դպրոցական ցանցում, որտեղ խորհրդատուները նշել են սոցիալական ցանցերի հետ կապված կոնֆլիկտների և կիբերբուլինգի դեպքերի նվազում։
Միևնույն ժամանակ, հետազոտողները նշում են, որ ակադեմիական արդյունքների վրա ազդեցությունը դեռևս հստակ չէ։ Ազգային տնտեսական հետազոտությունների բյուրոյի ապրիլյան զեկույցը, որը ներառել է ավելի քան 40 հազար դպրոց, ցույց է տվել, որ խիստ սահմանափակումները շուրջ 80 տոկոսով կրճատել են դասաժամերին հեռախոսների օգտագործումը։ Սակայն ստանդարտացված թեստերի արդյունքների, հաճախումների և բուլինգի մակարդակի վրա էական փոփոխություններ դեռ չեն արձանագրվել։
Հետազոտության հեղինակները նաև նկատել են, որ սահմանափակումների ներդրման առաջին շրջանում որոշ դպրոցներում աճել են կարգապահական միջադեպերը, իսկ աշակերտների ինքնազգացողության ցուցանիշները ժամանակավորապես նվազել են։ Սակայն ժամանակի ընթացքում այդ ազդեցությունները մեղմացել են։
Չնայած ակադեմիական արդյունքների վերաբերյալ հակասական տվյալներին, կրթության ոլորտի բազմաթիվ ղեկավարներ համոզված են, որ հեռախոսազուրկ միջավայրը նպաստում է ավելի արդյունավետ ուսուցման համար անհրաժեշտ պայմանների ձևավորմանը։ Որոշ տեղական հետազոտություններ նույնիսկ արձանագրել են թեստային արդյունքների և հաճախումների բարելավում այն դպրոցներում, որտեղ հեռախոսների օգտագործումն ամբողջությամբ արգելվել է։
Միևնույն ժամանակ, հեռախոսների արգելքի քաղաքականությունն ունի նաև քննադատներ։ Ազգային ծնողական միության նախագահ Քերի Ռոդրիգեսը, ըստ ABC news-ի, կարծում է, որ թվային տեխնոլոգիաները դարձել են ժամանակակից կյանքի անբաժանելի մասը, և միայն հեռախոսների արգելումը չի կարող լուծել կրթական խնդիրները կամ ինքնաբերաբար բարելավել սովորողների առաջադիմությունը։
Այնուամենայնիվ, հասարակական կարծիքի հարցումները ցույց են տալիս, որ մեծահասակների շրջանում նման սահմանափակումները լայն աջակցություն են վայելում, մինչդեռ դեռահասների միայն փոքր մասն է կողմ ամբողջ օրվա ընթացքում գործող հեռախոսային արգելքներին։
Բաժիններ
Լուսանկարը՝ Դոնեցկի մարզի պաշտոնական կայքի
ԱՄՆ-ի դպրոցներում բջջային հեռախոսների արգելքից 1 տարի անց ուսուցիչներն արձանագրում են ավելի հանգիստ դասարաններ և ավելի անմիջական շփում աշակերտների միջև։
ԱՄՆ նահանգների մոտ երկու երրորդն արդեն ընդունել է դպրոցներում բջջային հեռախոսների օգտագործումը սահմանափակող կանոններ։ Վերջին օրինակներից է Նյու Յորք նահանգը, որտեղ 2025 թվականի սեպտեմբերից գործող արգելքի առաջին տարվա արդյունքներով ուսուցիչները հայտնել են դասարանային շեղումների նվազման, աշակերտների ներգրավվածության աճի և նրանց միջև սոցիալական կապերի ամրապնդման մասին։
Հարցված մանկավարժների կարծիքով՝ աշակերտներն ավելի ակտիվ են մասնակցում քննարկումներին և ընդմիջումների ընթացքում ավելի հաճախ են շփվում՝ հեռախոսների միջոցով հաղորդակցվելու փոխարեն։ Նման դիտարկումներ են արձանագրվել նաև KIPP դպրոցական ցանցում, որտեղ խորհրդատուները նշել են սոցիալական ցանցերի հետ կապված կոնֆլիկտների և կիբերբուլինգի դեպքերի նվազում։
Միևնույն ժամանակ, հետազոտողները նշում են, որ ակադեմիական արդյունքների վրա ազդեցությունը դեռևս հստակ չէ։ Ազգային տնտեսական հետազոտությունների բյուրոյի ապրիլյան զեկույցը, որը ներառել է ավելի քան 40 հազար դպրոց, ցույց է տվել, որ խիստ սահմանափակումները շուրջ 80 տոկոսով կրճատել են դասաժամերին հեռախոսների օգտագործումը։ Սակայն ստանդարտացված թեստերի արդյունքների, հաճախումների և բուլինգի մակարդակի վրա էական փոփոխություններ դեռ չեն արձանագրվել։
Հետազոտության հեղինակները նաև նկատել են, որ սահմանափակումների ներդրման առաջին շրջանում որոշ դպրոցներում աճել են կարգապահական միջադեպերը, իսկ աշակերտների ինքնազգացողության ցուցանիշները ժամանակավորապես նվազել են։ Սակայն ժամանակի ընթացքում այդ ազդեցությունները մեղմացել են։
Չնայած ակադեմիական արդյունքների վերաբերյալ հակասական տվյալներին, կրթության ոլորտի բազմաթիվ ղեկավարներ համոզված են, որ հեռախոսազուրկ միջավայրը նպաստում է ավելի արդյունավետ ուսուցման համար անհրաժեշտ պայմանների ձևավորմանը։ Որոշ տեղական հետազոտություններ նույնիսկ արձանագրել են թեստային արդյունքների և հաճախումների բարելավում այն դպրոցներում, որտեղ հեռախոսների օգտագործումն ամբողջությամբ արգելվել է։
Միևնույն ժամանակ, հեռախոսների արգելքի քաղաքականությունն ունի նաև քննադատներ։ Ազգային ծնողական միության նախագահ Քերի Ռոդրիգեսը, ըստ ABC news-ի, կարծում է, որ թվային տեխնոլոգիաները դարձել են ժամանակակից կյանքի անբաժանելի մասը, և միայն հեռախոսների արգելումը չի կարող լուծել կրթական խնդիրները կամ ինքնաբերաբար բարելավել սովորողների առաջադիմությունը։
Այնուամենայնիվ, հասարակական կարծիքի հարցումները ցույց են տալիս, որ մեծահասակների շրջանում նման սահմանափակումները լայն աջակցություն են վայելում, մինչդեռ դեռահասների միայն փոքր մասն է կողմ ամբողջ օրվա ընթացքում գործող հեռախոսային արգելքներին։