Լուսանկարը՝ ndtv.com-ի
Չինաստանում ծնողները տնից դուրս են հանել իրենց որդուն՝ չինական ազգային ընդունելության քննություններում ցածր միավոր ստանալու պատճառով։
Չինական լրատվամիջոցները հայտնում են արտասովոր մի դեպքի մասին, որը բուռն քննարկումների առիթ է դարձել։ Հուայհուա քաղաքի բնակիչ դիտորդը՝ Սյաոկայ անունով, դպրոցական ավարտական քննություններում՝ (Gaokao), ստացել է 575 միավոր 750 հնարավորից։ Թեև այդ արդյունքը համարվում է բավականին բարձր, նրա ծնողները հիասթափված են մնացել՝ պնդելով, որ այն բավարար չէ Չինաստանի ամենահեղինակավոր բուհերից որևէ մեկում սովորելու համար։
Ծնողները տղայի գնահատականների ցածր լինելը կապում են սմարթֆոնից կախվածության հետ։ Նրանց պնդմամբ՝ Սյաոկայը չափազանց շատ ժամանակ է անցկացրել հեռախոսով՝ սովորելու փոխարեն։ Նրանք որոշել են պատժել որդուն՝ փոխելով տան դուռը բացելու գաղտնաբառը և զրկելով ֆինանսական աջակցությունից։
Տղան ստիպված է եղել դիմել տեղական հեռուստաընկերությանը՝ օգնություն ստանալու ակնկալիքով։ Այս պատմությունը մեծ արձագանք է գտել չինական ԶԼՄ-ներում՝ հարուցելով լայն քննարկում սմարթֆոնների ազդեցության, ընտանեկան ճնշման և կրթական համակարգում գերազանցության պահանջների շուրջ։
Չինաստանում Gaokao-ն (չինական ազգային ընդունելության քննություն) որոշիչ է համալսարան ընդունվելու համար։ Շատ ընտանիքների համար բարձր միավորներ ստանալը հաջող ապագայի գրավականն է։
