Ուսուցիչների կամավոր ատեստավորման գործընթացն այս տարի առաջին անգամ կազմակերպված էլեկտրոնային ձևաչափին մասնակցելու համար դիմել է 6260 ուսուցիչ, որոնցից 572-ը՝ որպես չաշխատող անձ: Այս տեղեկությունը հրապարակել է ԿԳՄՍ նախարարությունը:

Հայտագրվածներից ատեստավորմանը մասնակցել է 4982 ուսուցիչ, որոնք, ըստ պաշտոնական տվյալների, ցուցաբերել են հետևյալ արդյունքները՝

Գործող ուսուցիչներից 2024 թվականին կամավոր ատեստավորմանն առաջին անգամ մասնակցել է 2825-ը: Իսկ այս պահին չաշխատող և առաջին անգամ մասնակցած անձանցից գործընթացին առաջին անգամ մասնակցել է 272-ը:

60 տոկոսի շեմն առաջին անգամ հաղթահարել է 2250 ուսուցիչ, նախորդ տարիների համեմատ արդյունքը բարելավել է 1248-ը: 538 ուսուցչի գրանցած արդյունքները չեն փոխվել: Բարձրագույն կրթություն չունեցող անձանցից 124-ը մասնակցել է կամավոր ատեստավորմանը և արդյունքում հաղթահարել է անցողիկ շեմը:

Բողոքարկումից առաջ, ըստ նախարարության, արձանագրված էր հետևյալ պատկերը՝

Էլեկտրոնային ատեստավորման ժամանակ ի հայտ եկած տեխնիկական խնդիրների մեջ հաղորդագրությամբ որևէ անդրադարձ չկա: www.mediaforedu.am-ը դեկտեմբերի 16-ին գրավոր հարցում է ուղարկել ԿԳՄՍ նախարարությանը՝ խնդրելով պատասխանել ատեստավորման վերաբերյալ հարցերին:

Հարցերից մեկը վերաբերում է նրան, թե ուսուցիչների բողոքի, մասնավորապես՝ ՀՀ վարչապետի՝ ՖԲ-ում նախաձեռնած «Գնդակահարության պատին» ներկայացրած տեխնիկական խնդրի կապակցությամբ ԿԳՄՍ նախարարությունն ի՞նչ քայլեր է ձեռնարկել կամ ձեռնարկում, որպեզի ատեստավորման պատրաստակամություն հայտնածների գիտելիքի ստուգման ժամանակ ապահովվեն տեխնիկական շփոթություններից զերծ պայմաններ: