Լուսանկարը՝ indianexpress.com կայքից
Այսօր Հնդկաստանը նշում է ուսուցիչների օրը՝ սկսած 1962 թվականից:
Սեպտեմբերի 5-ին ծնվել է Հնդկաստանի երկրորդ նախագահ, գիտնական և փիլիսոփա Սարվեպալլի Ռադհակրիշնոնը: Նա 77 տարեկան էր, երբ ուսանողները ցանկություն հայտնեցին նշել կրթության ոլորտում նշանակալի դերակատարություն ունեցող երկրի ղեկավարի տարեդարձը: Նախկին նախագահն էլ ասել էր, որ ավելի լավ է՝ այդ օրը նշեն ոչ թե իր տարեդարձը, այլ բոլոր ուսուցիչների տոնը:
Սարվեպալլի Ռադհակրիշնոնը մշտապես ընդգծում էր, որ կրթության փոխակերպող ուժն ի վիճակի է ահռելի փոփոխություններ անել անհատների և ամբողջ ազգի կյանքում:
