Ուսուցիչներին աշխատանքի ընդունելն ու նրանց՝ դպրոցում պահելը մեծ մարտահրավեր է Մեծ Բրիտանիայում, բայց առավել սուր է ուսուցիչների փոփոխության հարցը աշակերտների տեսանկյունից։ Այս պատկերն է պարզել Մեծ Բիտանիայի Կրթության քաղաքականության ինստիտուտը։ Տեղեկությունը հրապարակել է «Գարդիան» պարբերականը։

Ուսուցիչների 19․5 տոկոսը տարվա կտրվածքով փոխում է աշխատանքը բրիտանական 10-ից ավելի դպրոցներ միավորող կրթական համակարգերում։ Դրանք հիմնադրվել են անապահովների համար, անվճար ուսուցման հիմքունքներով։

Կրթության քաղաքականության ինստիտուտի գխավոր քարտուղար Դենիել Քեբիջը հայտարարել է, որ խնդիրների հիմքում պահպանողականների կառավարական սխալներն են։ Նա դրանով է պայմանավորել հատուկ մանկավարժների ոչ բավարար ներգրավվածությունը դպրոցներում, հետևաբար՝ հատուկ կարիք ունեցող երեխաների բացակայության մտահոգիչ ցուցանիշները։

Կրթության քաղաքականության ինստիտուտի մամուլի խոսնակն, ամփոփելով զեկույցի մեջ նշված տվյալները, ընդգծել է՝ կա նաև դրական կողմ․ ուսուցիչները մի դպրոցից դուրս են գալիս մեկ այլ դպրոցում աշխատելու նպատակով։

Խոսնակն ասել է, որ Մեծ Բրիտանիայում ուսուցիչները 2010 թ․-ից ի վեր ավելացել են 27 հազարով․ հիմա ուսուցիչների թիվն աննախադեպ աճել է՝ հասնելով 468 հազարի։