Հյուսիսային Իռլանդիայի ուսուցիչների բանակցային կոմիտեն հասավ նպատակին՝ ստանալով կառավարության համաձայնությունն ուսուցիչների աշխատավարձերը 24,3 տոկոսով բարձրացնելու վերաբերյալ։ Այսպիսով, Հյուսիսային Իռլանդիայի ուսուցիչների աշխատավարձերը հավասարվեցին Մեծ Բրիտանիայի ուսուցիչների աշխատավարձերին։ Այս տեղեկությունը հրապարակել է Հյուսիսային Իռլանդիայի կրթության նախարար Փոլ Գիվենը։

Ուսուցչական 5 կազմակերպությունների համատեղ պայքարը սկսվել էր 2022 թվականի մայիսից։

«Ուսուցիչներն ու դպրոցների առաջնորդներն ունեն կարևոր դերակատարություն Հյուսիսային Իռլանդիայում և ես բարձր եմ գնահատում նրանց ամենօրյա ծանր աշխատանքը»,- հայտարարել է նախարարը և ավելացրել, որ տնտեսության զարգացումը հնարավոր կլինի ապահովել դպրոցում որակյալ կրթություն տալու շնորհիվ։