Լուսանկարը՝ The Guardian կայքից
Միացյալ թագավորության դպրոցներում աշակերտների բացակայության մտահոգիչ պատկերը ստիպում է անցնել ինովացիոն միջոցների. դպրոցներում անհրաժեշտություն է դարձել թերապիայի համար շան, տարատեսակ մրցանակների, ֆիզիկական ակտիվության նոր ձևաչափերի միջոցով գրավչություն ապահովելը։
Դպրոցներից մեկի տնօրենը The Guardian պարբերականի հետ զրույցում ասել է, որ աշակերտների հաճախելիությունը վերականգնելու նպատակով օրական 30 րոպե հատկացնում են երեխաների հետ անհատական զրույցներ վարելու, նրանց որպիսությունը պարզելու, անհանգստացնող հարցերի մասին զրույցներին։ Տնօրենի դիտարկումներով, այս մեթոդը 79 տոկոսով ավելացրել է երեխաների հաճախելիությունը։
Տնօրենն ասել է, որ տարեկան մեկ օր կազմակերպում են բաց դռների օր։ Այդ օրը դպրոց են գալիս աշակերտների ծնողները, տատիկ-պապիկներն ու քույր-եղբայրները։ Քննարկում են աշակերտների հոգեկան առողջության հետ կապված խնդիրները։
