Լուսանկարը՝ Վեդիի համայնքապետարանի պաշտոնական կայքից
Վեդիի համայնքապետարանը հայտարարություն է տարածել համացանցում հրապարակված՝ մանկապարտեզում երեխայի ծեծի տեսանյութի վերաբերյալ։
«Այսօր՝ ս/թ-ի հուլիսի 26-ին, ժամը 14:00-ի սահմաններում, սոց/կայքերում տարածված տեսանյութի (Փոքր Վեդու «Զարթոնք» ՆՈՒՀ-ՀՈԱԿ-ում տեղի ունեցած միջադեպով) կապակցությամբ տեղեկացնում ենք, որ դեպքի մասին իրազեկվելուց անմիջապես հետո Վեդի համայնքի ղեկավարը իր լիազորությունների շրջանակներում հետամուտ է լինելու դեպքի հանգամանքների բացահայտման, մեղավորներին պատասխանատվության ենթարկելու և հետագայում նմանատիպ դեպքերը բացառելու ուղղությամբ»,- նշված է Վեդիի համայնքապետարանի հայտարարության մեջ:
Ըստ հայտարարության, դեպքի հանգամանքները պարզելու նպատակով համապատասխան հաղորդում է ներկայացվել ՀՀ ՆԳՆ ոստիկանության Արարատի մարզային վարչության Արարատի բաժին:
