Հաշմանդամության ունեցող երեխաների կրթության համար Ավստրալիայի հանրային դպրոցներում տրամադրվող ֆինանսական միջոցներն ավելի քան 6 անգամ քիչ են մասնավոր դպրոցներին հատկացվող գումարից։ Պարզել է Guardian Australia-ն՝ հետաքննությամբ համեմատելով հաշմանդամություն ունեցող երեխաների կրթական կարիքները։

Պարզվել է, որ Ավստրալիայում մեկ միլիոն աշակերտ ունի հաշմանդամության հետ կապված խնդիրների դեպքում անհրաժեշտ կրթության ծայրահեղ կարիք։

Ի հայտ եկած տվյալների համաձայն, հաշմանդամություն ունեցող յուրաքանչյուր երեխայի համար պետությունը հանրային դպրոցին տրամադրում է 2.941 ԱՄՆ դոլլար, իսկ 100 մասնավոր դպրոցում նույն նպատակի համար՝ 10.000 ԱՄՆ դոլար։

Guardian Australia-ն մեջբերում է Ավստրալիայի կրթական հաստատությունների միավորման նախագահ Կորոնա Հայթոփի որակումն, ըստ որի ամոթալի է այն փաստը, որ կառավարությունը մասնավոր դպրոցներին ավելի շատ է վճարում։

Լրատվամիջոցն այս հարցին հատուկ ուշադրություն դարձնելու կարիքը բացատրում է վատթարացող ու մտահոգիչ վիճակագրությամբ. Ավստրալիայի դպրոցում սովորող 7-14 տարեկան երեխաների 4 տոկոսի դեպքում հաստատվել է աուտիզմի ախտորոշումը։ Իսկ 6-10 տոկոսի դեպքում կան ADHD խնդիրներ (ուշադրության բացակայություն, հիպերակտիվ վարք…)։