Աշխարհի տարբեր ծայրերում արդեն հիմնադրվել են դեռահասներին ֆինանսական գրագիտություն սովորեցնող ավելի քան 50 կենտրոններ՝ 20 լեզուներով։ Ֆինանսական գրագիտության վերաբերյալ գիտելիք երեխաներին փոխանցում է «Մարին և խնայողության գաղտնիքը» գրքում ամփոփված պատմությունը։ Այս գործընթացը սկսվել է 2022-ի սեպտեմբերից՝ Լիսաբոնից և ընդգրկել է Շվեդիայի ու Հնդկաստանի կարողությունները՝ աշխարհում երեխաներին ֆինանսական գրագիտություն սովորեցնելու նպատակով։ Շվեդական Մալմյո քաղաքի հաբում երեխաները ֆինանսական գրագիտություն սկսում են սովորել 8-12, իսկ Հնդկաստանում՝ 9-12 տարեկանում։ Տեղեկությունը հրապարակել է Համաշխարհային տնտեսական ֆորումն՝ իր պաշտոնական կայքում նշելով․ «Ֆինանսական գրագիտությունը համաշխարհային կարիք է բոլոր երեխաների համար»։

Տնտեսական համագործակցության և զարգացման կազմակերպության (OECD) 2023 թ․ հետազոտության արդյունքներով՝ դեռահասների միայն 34 տոկոսն է տիրապետում ֆինանսական գրագիտության՝ իրենց տարիքին համապատասխան գիտելիքին։

Այսօրվա մակրոտնտեսական իրողությունների պայմաններում երեխաները հաճախ անհամաչափ խոցելի են տնտեսական անկայունությունների պատճառով,- նշում է Համաշխարհային տնտեսական ֆորումը և վերահաստատում․ «Հիմա, առավել քան երբևէ, ֆինանսական գրագիտությունը հիմնավոր կարևորություն ունի երեխաների շրջանում»։