Լուսանկարները՝ «Մեդիան հանուն կրթության» ՀԿ-ի
«Մեդիան հանուն կրթության» ՀԿ համահիմնադիրներն ու համախոհները մայիսի 4-ին Արարատի մարզի Մարմարաշեն գյուղում հանդիպեցին Արցախից բռնի տեղահանված երեխաների ու նրանց նոր ընկերների հետ։ Նպատակը ստեղծագործական աշխատարանների միջոցով երեխաների սոցիալականացումն էր։
Ստվերների թատրոնի մանրակերտի պատրաստման, կերպարների մշակման, արջուկ կարելու, նկարչության, կրկեսի գնդակ գցելու, հեքիաթի ու սեղանի խաղերի ժամանակ երեխաները շփվեցին հմուտ մանկավարժների մշակած մեթոդներով։
«Մեդիան հանուն կրթության» ՀԿ համահիմնադիրների ու համախոհների հաջորդ այցը Մարմարաշեն նախատեսվում է մայիսի 11-ին, երկու խմբով։
Ծրագիրն իրականացվում է Ֆրիդիխ Էբերտ հիմնադրամի ֆինանսական աջակցությամբ։
