«Հանրային քաղաքականության ինստիտուտ» (ՀՔԻ) հասարակական կազմակերպությունը Գալուստ Կիւլպէնկեան Հիմնարկութեան աջակցությամբ հունվարի 18-ին Միրզոյան գրադարանում ներկայացրեց Ժակ Ռանսիերի «Անգետ ուսուցիչը. մտավոր ազատագրման հինգ դաս» գրքի հայերեն թարգմանությունը:
Ֆրանսիացի փիլիսոփայի՝ 1987 թ. լույս տեսած աշխատությունը հետաքրքիր է մանկավարժական մտքի զարգացման պատմության և փիլիսոփայության տեսանկյունից։
Թարգմանության նախաձեռնողն ու խմբագիրը արվեստաբան Նազարեթ Կարոյանն է։
Գրքի հերոսը՝ Ժաքոթոն, Ֆրանսիական հեղափոխության փորձություններով անցած պատմական անձ է։ Նա հանգամանքների բերումով ստիպված է եղել ուսուցանել իր չիմացածը։ Ստացվել է յուրօրինակ մոտեցման շնորհիվ։
