Անգլիայում քննարկում են՝ արդյո՞ք պետք է հրաժարվել GCSE քննություններից, որոնք աշակերտները հանձնում են 16 տարեկանում։ Այս քննությունները հանդիսանում են դպրոցներում վերջնական գնահատման միջոց՝ մի շարք առարկաների համար։

GCSE (General Certificate of Secondary Education) գրավոր քննությունները սովորաբար ներառում են շուրջ 8–10 առարկա։ Քննությունները տևում են մինչև 30 ժամ՝ մեկ տարվա կտրվածքով։

Քննադատները պնդում են, որ այս համակարգը հնացած է, չափից դուրս ճնշող է և նպաստում է սթրեսի, այլ ոչ թե կրթության զարգացմանը։ Որպես այլընտրանք՝ առաջարկվում է ավելի մարդակենտրոն գնահատման մեթոդ՝ ներառելով պրակտիկ աշխատանքներ և կուրսայիններ։ Ակադեմիկոսներն ու նախկին նախարարները նշում են, որ այսպիսի գնահատման համակարգը խորացնում է սոցիալական անհավասարությունները և չի խթանում իրական հմտությունների զարգացումը։

Միաժամանակ կան նաև այս մոդելի պահպանման կողմնակիցներ, ովքեր կարծում են՝ քննությունները սովորեցնում են կարգապահություն և ինքնուրույնություն։ Սակայն նույնիսկ նրանք են համաձայնում, որ ընթացիկ համակարգը պահանջում է որոշակի վերանայում՝ համապատասխանեցված ժամանակակից կրթության պահանջներին։