Լուսանկարը՝ ԵԽ պաշտոնական կայքից
Եվրամիության խորհրդի վեցամսյա նախագահությունը ստանձնած Լեհաստանի մայրաքաղաք Վարշավայում այսօր նախատեսված է ԵՄ անդամ երկրների կրթության նախարարների ոչ պաշտոնական հանդիպումը:
ԵՄ կայքի հրապարակած տեղեկության համաձայն, նախարարների հանդիպումները կշարունակվեն նաև հունվարի 21-ին:
Հանդիպման թեման է՝ ներառական, որակյալ կրթության խնդիրների քննարկումը՝ կրտսեր տարիքից սկսած՝ երեխաների կրթության իրավունքի ամբողջական իրացման համատեքստում:
Հանդիպման նպատակն է ԵՄ երկրների փորձի փոխանակումը, նաև՝ ԵՄ խորհրդի որոշումներում որակյալ և ներառական կրթության ապահովմանն ուղղված քայլերի ձեռնարկումը:
