Երեխաների ավելորդ քաշի, ճարպակալման վերաբերյալ առաջին հետազոտությունն իրականցվել է 2019 թվականին, և Հայաստանում արդեն առկա է եղել մի պատկեր, ըստ որի՝ 7 տարեկանների շրջանում աղջիկների 25 տոկոսը և տղաների 35 տոկոսը արդեն ունեն ավելորդ քաշ, ներառյալ ճարպակալում։ mediaforedu.am-ի հետ զրույցում ասել է «Արաբկիր» բժշկական համալիրի դեռահասների առողջության ծրագրի համակարգող Մարինա Մելքումովան:

Բժիշկը մեկնաբանել է. «Այսինքն, յուրաքանչյուր 3-րդ, 4-րդ երեխան, և մեր թվերը համապատասխանում են միջին եվրոպական երկրների թվերին, քանի որ այդ հետազոտություններն իրականցվել են 40-50 երկրներում և մերը համապատասխանում է միջին եվրոպական երկրներին: Կան եվրոպական երկրներ, որ շատ ավելի բարձր են այդ տվյալները, բայց դա մեզ շատ չի ուրախացնում, մենք մեր խնդիրներն ունենք և պետք է պայքարենք»։

Էլենա Հարությունյան