Լուսանկարը` ՀՀ կրթության տեսչական մարմնի
ՀՀ կրթության տեսչական մարմնի ղեկավար Վաղարշակ Մատիկյանը և ղեկավարի տեղակալ Արսեն Բաղդասարյանը Կոտայքի մարզի ուսումնական հաստատությունների ծնողական համայնքների ներկայացուցիչների հետ քննարկել են ուսումնական գործընթացում առկա խնդիրներն ու լսել ծնողների առաջարկները։ Տեղեկացնում է տեսչական մարմինը։
Ըստ հաղորդագրության, հանդիպմանը մասնակցել են Կոտայքի մարզի շուրջ 20 ուսումնական հաստատությունների ծնողական համայնքների ներկայացուցիչներ և Կոտայքի մարզպետի աշխատակազմի կրթության, մշակույթի և սպորտի վարչության պետ Կարեն Հունանյանը։
Անդրադարձ է եղել ուսումնական ծրագրերի բարելավման անհրաժեշտությունը, ծնողական խորհուրդների դերին, երեխաների ուսման գործընթացում ծնողների ներգրավվածության ընդլայնմանը, կրթական միջավայրի անվտանգության բարելավմանը։
