Տեսանյութը՝ ՄՀԿ-ի
Երեխան, որը 6 տարեկանից մեծ է, պետք է լինի իր տարիքին համապատասխան դասարանում: Այս կարգն այս տարի գործելու է առաջին անգամ:
Անդրադառնալով գալիք ուսումնական տարվան ընդառաջ ծնողներից ստացվող հարցադրումներին՝ «Արմենպրեսի» մամուլի սրահում հայտարարել է ԿԳՄՍ փոխնախարար Արաքսիա Սվաջյանը:
Ծնողներն ահազանգում են, որ իրենց երեխաների տվյալները ստուգման հարթակում չկան, եթե 6 տարեկանից բարձր են:
Ըստ Արաքսիա Սվաջյանի, նոր կարգի պայմաններում բացառություն կկազմեն առանձնահատուկ կարիք ունեցող այն երեխաները, որոնք ունեն մտավոր զարգացման խնդիրներ. «Եթե դպրոց չեն գնացել 7 տարեկանում, տարածքային մանկավարժահոգեբանական աջակցության կենտրոնում գնահատման եզրակացության դեպքում դպրոցը հնարավորություն կունենա գրանցել առաջին դասարանում: Բայց, ընթացակարգի համաձայն, քանի որ այս երեխաները ավելի մեծ տարիքային խմբում են, մյուս դասարանների ընդունելության կարգով պիտի մոտենան դպրոց, դիմում գրեն երեխային դպրոց ընդունելու համար (երկրորդ դասարան), գհահատման արդյունքով որոշում կկայացվի, թե տվյալ երեխան որ դասարան պետք է գնա»:
Ըստ փոխնախարարի, վիճակագրությունը ցույց է տալիս, որ երեխաների 10 տոկոսը դպրոց չի գնում:
