«Կրթության օրենսդրությամբ հստակ ամրագրված է, որ կրթական հաստատություններում քաղաքական գործունեությունն արգելվում է: Հետևաբար, եթե որևէ մեկը զբաղվում է նման գործունեությամբ, սա ուղիղ հիմք է՝ համապատասխան գործընթաց սկսելու և այս ուղղությամբ քայլեր ձեռնարկելու»։ Ազգային ժողով-կառավարություն հարցուպատասխանի ժամանակ հայտարարել է ԿԳՄՍ նախարար Ժաննա Անդրեասյանը:

Ըստ «Հանրակրթության մասին» օրենքի, դպրոցների ղեկավար կազմի՝ կուսակցական գործունեության սահմանափակման պահանջն է՝ դպրոցների տնօրենները, վարչատնտեսական համակարգողները չեն կարող իրենց դիրքն օգտագործել որևէ կուսակցության, քաղաքական ուժի օգտին:

Նախարարը աշակերտներին ու ծնողներին կոչ է արել է ցանկացած նման խախտման դեպքում ուղղակի տեղեկացնել, օրենսդրությունը բավարար է քայլեր ձեռնարկելու համար։