Լոնդոնի Սաութուորկ շրջանի 21 դպրոց միացյալ ուժերով դիմել են ավելի քան 11,000 ընտանիքի՝ առաջարկելով սահմանափակել երեխաների էկրանային ժամանակը՝ մինչև 16 տարեկանը։

Նախաձեռնության նպատակն է կանխել երեխաների մոտ խոսքի զարգացման ուշացումները, սոցիալական հմտությունների թուլացումը և կախվածության ձևավորումը թվային սարքերից։

Դպրոցները առաջարկում են՝

Դպրոցների ղեկավարները նշում են, որ սա պարտադրանք չէ, այլ զգուշացնող ուղերձ ծնողներին, որոնք հաճախ շփոթում են թվային հարթակների կրթական ու զվարճալի կիրառումները։ «Մենք չենք ասում, որ էկրաններն ամբողջությամբ պետք է արգելվեն, բայց երեխաները պետք է ունենան ժամանակ իրական աշխարհի, ոչ միայն վիրտուալ միջավայրի համար», — նշված է ուղարկված նամակում։

Միևնույն ժամանակ, Միացյալ Թագավորության կառավարությունը քննարկում է նոր պետական քաղաքականություն, որով երեխաների համար կարող են սահմանվել հավելվածների օգտագործման առավելագույն ժամային շեմեր։

Ոմանք, սակայն, քննադատում են նախաձեռնությունը՝ պնդելով, որ այն միակողմանի է և հաշվի չի առնում թվային աշխարհում կրթության և ստեղծագործության հնարավորությունները։ Այլ մասնագետներ ընդգծում են, որ այս հորդորը պետք է դառնա հանրային քննարկման մեկնակետ, այլ ոչ թե խիստ կանոնակարգ։