Քեմբրիջի բառարանը 2025 թվականին համալրվել է ավելի քան 6 000 նոր բառով և արտահայտությամբ։ Թարմացումը վկայում է, թե ինչպես են սոցիալական ցանցերը, երիտասարդական մշակույթը և նոր տեխնոլոգիաները ձևավորում ժամանակակից անգլերենը։

Նորամուծությունների շարքից է skibidi բառը, որը ծագել է «Skibidi Toilet» ինտերնետային տեսաշարից և դարձել է բազմիմաստ արտահայտություն։ Ուշագրավ է tradwife արտահայտությունը, որը նկարագրում է ավանդական ընտանիքում կնոջ դերը։ Սոցիալական մեդիայի պայմաններում ի հայտ եկած delulu կրճատ բառը ձևավորվել է delusional բառից և լայն տարածում է ստացել TikTok-ում։ Օգտագործվում է հորինվածքին հավատացողների դեպքում։

Բառարանի խմբագիրներն ավելացրել են նաև տեխնոլոգիական և բնապահպանական նոր տերմիններ․ օրինակ՝ mouse jiggler, որը առնչվում է հեռավար աշխատանքը բացահայտող սարքը կամ ծրագիրը, ցույց է տալիս աշխատողի ակտիվությունը։

Բնապահպանական ոլորտից սոցմեդիա ներմուծված առավել հաճախ հանդիպող արտահայտություններից է forever chemical-ը, որով բնութագրվում են միջավայրում երկար պահպանվող վտանգավոր նյութերը։

Կեմբրիջի բառարանի խմբագիրները նշում են, որ նոր բառերը ընտրում են միայն այն դեպքում, երբ համոզված են դրանց երկարաժամկետ կիրառման մեջ։ Լեզվաբանների կարծիքով՝ շատ տերմիններ գոյություն ունեին տարբեր համայնքներում, սակայն սոցիալական մեդիանում են դրանք լայնորեն տարածվել։