Հակակոռուպցիոն կոմիտեում իրականացվող քրեական վարույթի շրջանակներում հոկտեմբերի 17-ին ձերբակալված Հայկական պետական մանկավարժական համալսարանի ռեկտորի նկատմամբ որպես խափանման միջոց կիրառվել է տնային կալանքը և 20 մլն դրամ գրավը:

Պրոռեկտորի նկատմամբ որպես խափանման միջոց կիրառվել է այլընտրանքային խափանման միջոց՝ հաշվի առնելով, որ խոստովանական ցուցմունք է տվել:

Այս տեղեկությունը mediaforedu.am-ին հայտնեց Հակակոռուպցիոն կոմիտեի նախագահի մամուլի քարտուղար Մարինա Օհանջանյանը:

Խաչատուր Աբովյանի անվան Հայկական պետական մանկավարժական համալսարանի ռեկտորը և պրոռեկտորը երեկ ձերբակալվել են համալսարանի տարբեր աշխատակիցներից կազմված հանցավոր կազմակերպություն ստեղծելու և ղեկավարելու, առանձնապես խոշոր չափերով վատնում և խարդախություն կատարելու, ինչպես նաև կաշառք ստանալու կասկածանքով: