Արցախից բռնի տեղահանված երեխաների ճնշող մեծամասնությունը՝ շուրջ 17 հազարը, կրթություն է ստանում ՀՀ դպրոցներում: Կառավարության այսօրվա նիստում հայտարարել է ԿԳՄՍ նախարար Ժաննա Անդրեասյանը:

Ժաննա Անդրեասյանը նշել է նաև, որ ՀՀ կառավարության՝ ուսուցիչներին մարզային դպրոցներ գործուղելու և այնտեղ արտամրցութային կարգով աշխատանքի ապահովելու ծրագրով ԼՂ-ից բռնի տեղահանված ավելի քան 320 ուսուցիչ արդեն աշխատում է մարզերում:

Բացի այդ՝ ԼՂ-ից բռնի տեղահանված ուսուցիչների մի մասն աշխատանքի է տեղավորվել նշված ծրագրից դուրս՝ ընդհանուր հիմունքներով: Ընդհանուր առմամբ՝ ՀՀ դպրոցներում աշխատանքի է տեղավորվել ԼՂ շուրջ 500 ուսուցիչ: