Իռլանդիայի կրթության նախարար Հելեն Մքենթին հայտարարել է, որ 2025 թվականին հանրակրթական դպրոցներում կգործի 3700 հատուկ դասարան, որի շնորհիվ հատուկ կարիք ունեցող 21 հազար երեխա կունենա կրթություն ստանալու հնարավորություն։ Այժմ, ըստ նախարարի, շուրջ 3,275 երեխա գրանցված է Իռլանդիայի ազգային ներառական կրթության խորհրդում՝ սպասելով համապատասխան դասարանի առաջարկի։

Սեպտեմբերից նախատեսվում է բարեփոխել դիմումների համակարգը. ծնողները պետք է հատուկ կարիքի հարցով համակարգին տեղեկացնեն մինչ հոկտեմբերի 1-ը։

Նախորդ տարիներին այս ժամկետը դեկտեմբերի կեսերին էր։

Նախարար Մքենթին ընդգծել է, որ այս փոփոխությունները թույլ կտան դպրոցներին ավելի լավ ծրագրել իրենց անելիքը և ուսումնական տարվա մեկնարկին կանխել տեղերի պակասը։