Լուսանկարը՝ ՀՀ ԿԳՄՍ նախարարության կայքից
ԿԳՄՍՆ Կրթության զարգացման և նորարարությունների ազգային կենտրոնի «Դպրոցական սնունդ և երեխաների բարեկեցություն» հիմնարկը ՄԱԿ-ի Պարենի համաշխարհային ծրագրի կազմակերպության և ՀՀ առողջապահության նախարարության հետ համագործակցությամբ իրականացնում է «Առողջ ապրելակերպի դեսպան» մրցութային արշավը։ Տեղեկացնում է ՀՀ ԿԳՄՍՆ-ն։
Մրցույթի հիմնական գաղափարն առողջ ապրելակերպի վերաբերյալ նոր նախագծերի մշակումն է Հայաստանի բոլոր դպրոցներում։
Նախարարությունը վստահություն է հայտնում, որ Հանրակրթական պետական չափորոշչով սահմանված «Առողջ ապրելակերպ» պարտադիր խմբակի շրջանակում ստացած գիտելիքները ամրապնդվեն և կշրջանառվեն։
Լավագույն նախագծերի հեղինակները հնարավորություն կունենան այցելելու առողջ ապրելակերպի ամառային ճամբար, որտեղ նրանք կդառնան առողջ ապրելակերպի մշակույթի իսկական դեսպաններ՝ սովորելով առողջ ապրելակերպի գաղափարների առաջմղման տարբեր մեթոդներ և կկարողանան դրանում ներգրավել իրենց ողջ համայնքին։
