Լուսանկարը՝ BBC-ի
Մեծ Բրիտանիայի հարավ-արևմուտքում՝ Թոնթոն քաղաքում բնակվող տասնյակ ընտանիքներ բողոքի ակցիա են կազմակերպել՝ արտահայտելով անհամաձայնություն հատուկ կարիքի և հաշմանդամություն ունեցող երեխաների կրթության ոլորտում իշխանության գործելակերպի վերաբերյալ:
BBC-ն տեղից փոխանցում է ծնողների խոսքը, ըստ որի՝ կրթական համակարգը լուրջ սթրես է առաջացնում և իրենց թողնում է «հոգնած ու միայնակ»։
«Ես հազիվ եմ պահպանում աշխատանքս։ Հոգեպես ամբողջովին հյուծված եմ։ Շատ դժվար է, բայց ես երբեք չեմ դադարի պայքարել որդուս համար», – հայտարարել է ակցիայի կազմակերպիչը:
Տեղական իշխանությունը պատասխանել է, որ ներկայում աշխատում է լուծել խնդիրները:
Կրթության նախարարությունը հայտարարել է, որ արդեն քայլեր է ձեռնարկում համակարգը բարեփոխելու ուղղությամբ, ներառյալ ուսուցիչների պատրաստվածության բարձրացումը: Պաշտոնական մարմինը նշել է $740 միլիոն դոլարի հատկացման մասին և հավելել, որ այդ փողը ծախսվելու է նոր մասնագիտացված դպրոցական տեղեր ստեղծելու համար, ինչպես նաև վաղ միջամտության ծրագրեր խոսքի և լեզվի հետ կապված խնդիրների լուծման նպատակով։ Սա, ըստ նախարարության, պետք է ծնողներին վստահություն ներշնչի, որ աջակցությունն իրապես հասանելի կլինի ամենավաղ փուլում։
Սպասվում է, որ Լեյբորիստներն աշնանը կհրապարակեն բարեփոխումների ծրագիրը։
