2024 թվականին երեխայի նկատմամբ բռնության դեպքերին վերաբերող գրավոր և բանավոր դիմում-բողոքների թիվը եղել է 97: 2023 թվականին եղել է 67, 2022 թվականին՝ 66, 2021 թվականին՝ 50 դիմում-բողոք: Նշված է Մարդու իրավունքների պաշտպանի արտահերթ զեկույցում։

«Երեխայի նկատմամբ բռնության դեպքերի բացահայտման, կանխարգելման և արձագանքման հետ կապված խնդիրները ՀՀ-ում» արտահերթ զեկույցում ամփոփված են 2024 թ. մշտադիտարկման արդյունքները:

«Կյանքի բոլոր ոլորտներում, այդ թվում՝ ընտանիքում, ուսումնական հաստատություններում, երեխայի խնամք և պաշտպանություն իրականացնող հաստատություններում, համացանցում, երեխաները շարունակում են ենթարկվել տարբեր տեսակի բռնությունների, իսկ այդ դեպքերի բացահայտման, կանխարգելման ու արձագանքման գործուն մեխանիզմները բացակայում են»,- նշված է ՄԻՊ արտահերթ զեկույցում:

Ըստ զեկույցի, շարունակում են արդիական մնալ

Պաշտպանը զեկույցում առաջարկում է նախաձեռնել օրենսդրական փոփոխություններ՝ բռնության բոլոր ձևերի կանխարգելման, բացահայտման և արձագանքման մեխանիզմների վերաբերյալ:

Ըստ ՄԻՊ-ի, անհրաժեշտ է նաև ռազմավարության և միջոցառումների ծրագրի մշակում՝ երեխայի նկատմամբ գործադրված բռնության բացահայտման, կանխարգելման ու արձագանքման նպատակով՝ ֆինանսական աղբյուրների ու անհրաժեշտ ֆինանսական միջոցների, առաջընթացի ցուցանիշների, ելակետային և թիրախային արդյունքների, աշխատանքների մշտադիտարկման ընթացակարգի առկայությամբ:

ՄԻՊ-ն առաջարկում է նաև նախաձեռնել պարտադիր դասընթացներ և պարբերական վերապատրաստումներ՝ երեխայի նկատմամբ բռնության կանխարգելման, բացահայտման և արձագանքման պարտավորություն ունեցող բոլոր մասնագետների համար: Իսկ բռնության դեպքերի հայտնաբերման, կանխարգելման և արձագանքման նպատակով՝ հստակ մեթոդաբանության, գործիքակազմերի և ուղեցույցների պարտադիր կիրառության ապահովում, բռնություն դեպքերի հաղորդման և արձագանքման հստակ կառուցակարգերի ներդնում՝ գաղտնիության ապահովմամբ և բացառելով երեխայի թիրախավորումը: