ՀՀ կառավարության այսօրվա նիստում հաստատվել է պետական հանրակրթական ուսումնական հաստատությունների ֆինանսավորման կարգի փոփոխությունը։

Նոր կարգով սահմանվում է՝ պետական բյուջեով նախատեսված ծրագրերի ֆինանսավորման սկզբունքները և մեթոդաբանությունը, ֆինանսավորման կարգը և ֆինանսավորման գործակիցները, ինչպես նաև նորմատիվները կհաստատվեն ՀՀ կառավարության մեկ որոշմամբ՝ հաշվի առնելով, որ դրանք փոխկապակցված են:

Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը:

ՀՀ վարչապետը հարց ուղղեց երեխաների առաջադիմության աջակցության վերաբերյալ՝ շեշտադրելով դպրոցներում երեխաների առաջադիմության խնդիրների հիմքով ֆինանսավորման ավելացումը՝ նշելով բանաձևերի ներդրման կարևորությունը:

Վարչապետն ընդգծեց դպրոցներում վարչական, կազմակերպչական բնույթի որոշումներ կայացնելու կարևորությունը: Նաև բացատրեց, որ եթե մի դպրոցում նույն՝ ստաբիլ թվով երեխաներ ունեն առաջադիմության խնդիր, պետք է հասկանալ, թե որոնք են ու որտեղ են այդ խնդիրները: Պնդեց, որ եթե միշտ նույն դպրոցում, նույն առարկայից, նույն ուսուցչի դեպքում առաջադիմություն ունեցող երեխաների թիվը նույնն է մնում, ուրեմն դպրոցում մի բան այն չէ։

Նախարարը պատասխանեց, թե այդ ռիսկերը հաշվի առնված են և խոսքը 13494 երեխայի մասին է՝ 430 հազարից: Նկատի ունենալով առկա խնդիրերը՝ mediaforedu.am կայքը գրավոր հարցեր է ուղղել նախարարին ու խնդրել պարզաբանել, թե

ԿԳՄՍ նախարարին ուղղել ենք այլ հարցեր նույնպես, որոնց պատասխանը ստանալուն պես կհրապարակենք։