Հայկական դաստիարակության, ազգային ինքնության պահպանման նպատակով հանրակրթական դպրոցներում պարի ուսուցումը անհրաժեշտ է համարում Հայկական պետական մանկավարժական համալսարանի պարարվեստի մանկավարժության և դասավանդման մեթոդիկայի ամբիոնի դոցենտ, պարուսույց Սուրեն Խաչատրյանը:

Պարուսույցը Լիլիթ Հարությունյանի հետ զրույցում նկատել է. «Ինչ-որ տեղերում պար դասավանդվում է: Բայց արդյո՞ք դա բավարար է, թե՞ ոչ, սա այլ ուսումնասիրության առարկա է։ Իհարկե, դպրոցը, որը հանդիսանում է հանրակրթական հաստատություն՝ ավելի լավ ու էֆեկտիվ կարող է սովորեցնել պարը: Բայց այս առումով այստեղ գուցե կարելի է որոշ բաներ՝ դրանց մեթոդաբանության հետ կապված հարցեր, մասնագետների պատրաստման և լիցենզավորման հարցերը քննարկել: Ես համոզված եմ, որ այդտեղ որոշակի խնդիրներ կան»։

Էլենա Հարությունյան