Gallup-ի և Walton ընտանիքի հիմնադրամի իրականացրած վերջին հարցման տվյալներով, ԱՄՆ-ում ուսուցիչները լայնորեն օգտագործում են արհեստական բանականություն (ԱԲ)՝ աշխատանքը թեթևացնելու և աշակերտների հետ անհատապես զբաղվելու համար ավելի շատ ժամանակ շահելու նպատակով։

Հետազոտության համաձայն՝ ուսուցիչների 44%-ը շաբաթական առնվազն երեք ժամ կիրառում է ԱԲ գործիքներ: Այս ժամանակը տարեկան կտրվածքով համարժեք է մոտ 6 շաբաթ աշխատանքային ժամերի խնայմանը։ Ըստ հարցման արդյունքների, 81 տոկոսը նշել է, որ ԱԲ -ի շնորհիվ հնարավոր է եղել խնայել ժամանակը ուսուցիչներին պարտադրվող վարչարարական գրանցումներ կատարելիս։ Ուսուցիչների մեծ մասը նշել է, որ այդ խնայված ժամանակը օգտագործում է աշակերտների հետ առանձին աշխատելու, դասերն ավելի խորքային ու բովանդակային դարձնելու համար։

Ի դեպ, հարցմանը մասնակցած ուսուցիչների 54 տոկոսը նշել է, թե ԱԲ շնորհիվ «ավելի լավ որակի» կրթական նյութեր է կարողացել ստանալ։

Ուսուցիչներն ամենաշատը ԱԲ կիրառում են ուսումնական նյութերի, առաջադրանքների և գնահատման գործիքների պատրաստման, դասապլանների մշակման համար։