ԱՄՆ կրթության դեպարտամենտի կրճատումները հասել են կրթության վերաբերյալ վիճակագրություն ապահովող գործակալությանը, որն, ըստ ABC News-ի հետ զրուցած արդեն գործազուրկ կրթության 4 մասնագետների, համարվում է Միացյալ Նահանգների կրթական համակարգի վերաբերյալ տեղեկատվության «հեղինակավոր և վստահելի աղբյուր»: Այս գործակալությունն ամփոփում էր նաև միջազգային գնահատման ծրագրերի, մասնավորապես՝ PISA-ի արդյունքները:

1860-ականներից Կրթության վիճակագրության ազգային կենտրոնը, ըստ կրճատված մասնագետների, մշտապես ապահովել է Կոնգրեսի պատվիրած թեստերը, որոնք 1969 թվականից համարվում էին մաթեմատիկայի և ընթերցանության ակադեմիական առաջադիմությունը ստուգող թեստավորման ոսկե չափանիշ:

Այս շաբաթվա դրությամբ, ըստ նախկին աշխատակիցների, գործակալության 130 աշխատակիցներից գրեթե բոլորն ազատվել են աշխատանքից:

Հետազոտողներն ու վերլուծաբանները, որոնք նշանակվել էին Թրամփի պաշտոնավարման առաջին ժամկետում, զգուշացրել են, որ ֆինանսավորման կրճատումները կարող են դժվարացնել կրթական համակարգի բարելավումը: