Լուսանկարը՝ ՀՀ կրթության տեսչական մարմնի ՖԲ էջից
ՀՀ կրթության տեսչական մարմնի ղեկավար Վաղարշակ Մատիկյանը երեկ աշխատանքային այցով ծանոթացել է Գեղարքունի մարզի Երանոս գյուղի թիվ 1, Աստղաձորի և Գեղհովիտի թիվ 1 միջնակարգ դպրոցներում կրթության ապահովման հետ կապված խնդիրներին։
2023-ի արդյունքներն ամփոփելով 2024 թ. հունվարի 12-ին Մատիկյանն ընդգծել էր դպրոցների կառավարման թափանցիկության հարցը։
Նա, մասնավորապես ասել էր. «Խորհրդակցական մարմինների աշխատանքի նկատմամբ ուշադրությունը շատ կարևորում ենք նրանով, որ դա ուղիղ կապված է նաև այն մանկավարժներին օժանդակելու հետ, որոնք առավել ծանրաբեռնված են աշխատում և շատ խնդիրներ ունեն, որովհետև մանկավարժը իր գործունեության մեջ չպետք է խնդիրների հանդիման մնա միայնակ, և խորհրդակցական մարմինների նպատակը պետք է լինի ոչ թե դեկլարատիվ ձևով որևէ հարց քվեարկելը կամ միայն տնօրենի պահանջը կատարելը, այլ ընդհակառակը․ ավելի հաշվետվողական, թափանցիկ աշխատանք պահանջելը տնօրենից, ինչպես նաև քննարկել այն հարցերը, որոնք իրոք մանկավարժական աշխատողների կարիքներից են բխում։ Եվ հետևաբար մենք վերահսկելու ենք, որ խորհրդակցական մարմինները հենց այդպես աշխատեն»։
