ՀՀ կառավարության՝ հանրային քննարկման ներկայացրած «Հանրակրթության պետական չափորոշչի ձևավորման և հաստատման կարգը և հանրակրթության պետական չափորոշիչը հաստատելու մասին» որոշման փոփոխության նախագծի վերաբերյալ հանային կարծիքներն արձանագրում են աննախադեպ ակտիվություն։

Կառավարությունն առաջարկում է «Հայոց պատմություն» առարկան վերանվանել «Հայաստանի պատմություն»:

Նախագիծը քվեարկության է դրվել հունվարի 22-ին։ Հունվարի 23-ին, ժամը 12։20 -ին դեմ է քվեարկել քաղաքացիերի 82 տոկոսը։
Ըստ նախագծի հիմնավորման` առարկան անվանելով տվյալ երկրի պատմություն՝ ցուցաբերվում է ինստիտուցիոնալ մոտեցում տվյալ առարկայի միջոցով պետության և պետականության գաղափարների ամրապնդմանը, պատմությունը ներկայացվում է այդ երկրի՝ իբրև հավաքական և կազմակերպված հանրության հանդես գալու պատմություն։ «Ուշագրավ է, որ այս պարագայում էլ պետության չգոյության ժամանակահատվածների ներկայացումը էապես տարբերվում է մեթոդաբանական մոտեցման տեսանկյունից՝ ի ցույց դնելով պետության գոյության կարևորությունը և սովորողների մոտ ձևավորելով սեփական երկրի շահերի իմացության և դրանց պաշտպանության անհրաժեշտ դիրքորոշումն ու արժեքները»,- նշված է նախագծի հիմնավորման տետքստում։
Կառավարությունը վկայակոչում է նշված փոփոխությունները նախընտրած 7 երկրների փորձը։ Վրաստանում, Իտալիայում, Հնդկաստանում, Ղազախստանում, Բրիտանիայում, Չինաստանում և Սաուդյան Արաբիայում առարկայի փոփոխություն է տեղի ունեցել։