ԵՄ-ն Թվային ծառայությունների վերաբերյալ իրավական ակտի ուժով այսօր սկսել է հետաքննություն Meta-ին պատկանող Facebook-ի և Instagram-ի նկատմամբ՝ պարզելու, թե արդյո՞ք հունիսին նախատեսված ընտրությունների առնչությամբ այդ հարթակները ձախողում են ապատեղեկատվության դեմ պայքարը։

ԵՄ պաշտոնական կայքում հրապարակված տեղեկության համաձայն, Եվրահանձնաժողովի նախագահ Ուրսուլա Ֆոն դեր Լայենը հայտարարել է․ «Այս հանձնաժողովը ստեղծվել է Եվրոպայի քաղաքացիներին ապատեղեկատվությունից և երրորդ երկրների մանիպուլիացիաներից պաշտպանելու նպատակով։ Եթե մենք կասկածում ենք իրավախախտումների հարցում, գործի ենք անցնում։ Սա ճշմարտություն է բոլոր ժամանակներում, բայց հատկապես՝ ընտրությունների ժամանակ»։ Եվրոպական խորհրդարանի ընտրությունները նախատեսված են հունիսի 6-9-ը։

Ուրսուլա Ֆոն դեր Լայենը նշել է, որ մեծ թվային հարթակները պետք է կատարեն իրեց պարտականությունները՝ ներդնելով բավարար ռեսուրսներ ապատեղեկատվության տարածումը կանխելու նպատակով։

Եվրոպական հանձնաժողովը կասկածեր ունի, որ սոցիալական ցանցերում ապատեղեկատվության դեպքում նախաեսված ծանուցման գործիքը չի համապատասխանում Թվային ծառայությունների վերաբերյալ իրավական ակտին։

Politico կայքը հիշեցնում է, որ Եվրոպական հանձնաժողովը հատկապես դիմակայում է ռուսական կողմի ու այլ երկրների ապատեղեկատվական արշավներին։