Այսօր աշխարհում նշվում է Միջազգային գրագիտության օրը՝ սկսած 1967 թվականից: Քաղաքական պատասխանատուներին,մասնավորապես՝ կրթական ոլորտի մասնագետներին հղվող ուղերձն է՝ հանրությանը գրագիտությունն էական է բանիմաց, արդար, խաղաղ և կայուն հասարակություն կառուցելու հարցում։

Այս տարի Միջազգային գրագիտության օրը նշվում է «Գրագիտության խթանումը թվային դարում» խորագրով։ Թեման արտացոլում է ժամանակակից աշխարհի մարտահրավերները և հնարավորությունները, երբ թվայնացումն արմատապես փոխում է սովորելու, աշխատելու, ապրելու և հաղորդակցվելու եղանակները։

Թեև թվային տեխնոլոգիաները կարող են ընդլայնել կրթական հնարավորությունները հատկապես խոցելի խմբերի՝ այդ թվում՝ այն 739 միլիոն երիտասարդների և մեծահասակների համար, որոնք 2024 թվականի դրությամբ դեռևս չունեն հիմնարար գրագիտության հմտություններ, միևնույն ժամանակ տեխնոլոգիական անցումը կարող է խորացնել անհավասարությունները՝ խորացնելով մեկուսացումը։ Այսինքն՝ նրանք, ովքեր չեն տիրապետում ավանդական գրագիտությանը, զրկվում են նաև թվային դարաշրջանի հնարավորություններից։

Միջազգային կազմակերպություններն ուշադրության կենտրոնում է պահում գրագիտությունը որպես համընդհանուր բարիք և մարդու հիմնարար իրավունքը՝ այն կարևորելով որպես հզորացման ու սոցիալական փոփոխությունների խթան։

Համաշխարհային մակարդակով գրագիտության հարցը մնում է արդիական։ 2023 թվականին 272 միլիոն երեխա և պատանի շարունակում էր զրկված մնալ դպրոց հաճախելու հնարավորությունից: ՅՈՒՆԵՍԿՕ-ի տվյալներով, յուրաքանչյուր 4-րդ երեխա չի հասել ընթերցանության նվազագույն գիտելիքների շեմին։

Թվային դարաշրջանում գրագիտությունը ներառում է ոչ միայն կարդալու և գրելու ունակությունը, այլև՝ թվային բովանդակությանը հասանելի լինելու, գնահատելու, ստեղծելու և ապահով ձևով հաղորդակցվելու ու ներգրավվելու կարողությունը։ Գրագիտությունը կարևոր է նաև քննադատական մտածողության, փաստական տեղեկությունների ու քարոզչության տարբերակման և տեղեկատվական բարդ միջավայրերում կողմնորոշվելու հարցում։