Մասաչուսեթսի հանրակրթական դպրոցներում սմարթֆոնների կիրառության մասին սենատոր Ուիլ Բրաունսբերգեր օրինագիծն ընդունվել է 38 կող, 2 դեմ ձայներով։

Սենատորի պաշտոնական կայքում նշված է, որ հանրակրթական դպրոցներում հեռախոսների օգտագործման արգելքը կգործի 2026-2027 ուսումնական տարվանից։ Օրենքի նպատակն է բարելավել երեխաների ուսումը և հոգեկան առողջությունը։

Սենատորը համոզված է, որ հեռախոսի օգտագործման արգելմամբ կստեղծվի այնպիսի միջավայրեր, որտեղ աշակերտները կարող են կենտրոնանալ ուսման վրա։ Տրամաբանական բացառություններ կարվեն այն ուսանողների համար, որոնց հեռախոսն անհրաժեշտ է բժշկական հարցերի կարգավորման, անհատական կրթական ծրագրի կամ հաշմանդամության հետ կապված։

Աշակերտները դպրոցում, ներառյալ ընդմիջումները, ճաշի ժամանակն ու դասարանից դասարան գնալու պահերը, ըստ օրենքի, չեն կարողանա օգտագործել սմարթֆոններ և նմանատիպ սարքեր։

Օրինագծի քննարկման ժամանակ ուսուցիչների և կրթական միությունների ներկայացուցիչները պնդել են այն փոփոխությունների կարիքը։

Օրենքը պարտավորեցնում է, որ մինչև 2026 թվականի սեպտեմբերի 1-ը նահանգի բոլոր դպրոցական շրջանները մշակեն և հաստատեն բջջայինների օգտագործման սահմանափակման քաղաքականություն՝ տեղայնացված տարբերակով։ Դպրոցներն ու շրջանը հնարավորություն ունեն ինքնուրույն որոշելու վերահսկման մեթոդները, օրինակ՝ հեռախոսները հավաքել դասի սկզբում, պահպանել առանձին պահարաններում կամ դրանք փակող սարքերում։ Նահանգի կրթության վարչությունը պարտավորվել է առաջիկա ամիսներին ներկայացնել մոդելային քաղաքականություն, որը կարող է ծառայել որպես ուղեցույց։

Նոր կանոնակարգով նախատեսվում է նաև տարեկան հաշվետվություն ներկայացնել օրենքի կիրառման վերաբերյալ, առաջին անգամ՝ 2027 թվականի վերջին։