Բրիտանիայում երեխաների իրավունքների պաշտպանությամբ զբաղվող հիմնադրամը հայտարարել է, որ անցած երկու տարում ստացել է ավելի քան 40 հայտ համացանցով դեռահասների նկատմամբ տեղի ունեցող հանցագործությունների վերաբերյալ։

«Միասին վերջ տանք  անապահով կապերին» կարգախոսով առաջնորդվող կազմակերպության համահիմնադիր, սոցիալական աշխատող Քլեյր Ամանսը BBC-ին ասել է, որ ծնողների մոտ թյուր պատկերացում կա, թե նման դեպքերը չեն «բախի իրենց դուռը»։

Հետազոտությամբ պարզվել է՝ տուժողները մեծ մասամբ աղջիկներ են։ Հիմնականում 13-14 տարեկանները, որոշ դեպքերում 12 տարեկաններն են հայտնվում հանցագործությունների թիրախում։

BBC-ն ընդգծում է, որ համացանցով տեղի ունեցող հանցագործություններից տուժած դեռահասը հիմնադրամի հետ շփումների արդյունքում ներառվել է երաժշտական թերապիայի խմբում. արդեն պատրաստ է նրա առաջին ստեղծագործությունը։

Մասնագետները վերահաստատում են փորձը․ ստեղծագործելը երեխաներին օգնում է հաղթահարել դեպրեսիան, տալիս է կյանքի նոր ուժեր։