«Արտասահմանում գտնվող գրեթե բոլոր հայ համայնքները և ոչ միայն Հայաստանում ստեղծագործողները ունեն մշակույթը կապիտալիզացնելու և գործելու խնդիր։ Կապիտալիզացնել ասելով նկատի ունեմ գիտակցենք ով ենք մենք, գիտակցել մեր մշակույթը, գիտակցել ով ենք մենք այդ ամենի մեջ»,- իրավիճակն այսպես ներկայացրեց Իտալահայ արվեստագետ, քանդակագործ, մի շարք միջազգային բիենալեներից հայտնի Միքայել Օհանջանյանը։

Իտալահայ արվեստագետը այս խոսքը հղեց հայ արվեստի և մշակույթի համաժողովի շրջանակներում կազմակերպված
«Մշակութային դիվանագիտությունը որպես «փափուկ ուժի» առանցքային գործիք». պանելային քննարկման ժամանակ։ Նա հատուկ ուշադրություն հրավիրեց մշակույթի հետ կապված խնդիրների վրա։

Քննարկմանը մասնակցում էր նաև «Կերոն» զարգացման հիմնադրամի տնօրեն Վանանե Արարքցյանը։