ԱՄՆ-ում թափ է հավաքում սոցիալական մեդիայում երեխաներին սպառնացող վտանգները վերացնելու նախաձեռնությունը։ Սակայն կան պնդումներ, որ այդ նախաձեռնությունը կարող է նաև հակասել (սոցիալական) մեդիայի ազատության սկզբունքներին։

Երեխաների անվտանգությունն առաջնահերթ համարող Կոլորադո նահանգի իրավաբանների խումբը պնդում է, որ TikTok, Instagram և Snapchat հարթակներում թմրանյութեր գնելու և սեքսուալ հանցագործությունների պատճառը չկարգավորված իրավական դաշտն է։
CBS NEWS–ի փոխանցմամբ, արդեն մշակված օրինագծի սենատոր հեղինակներ Քրիս Հանսենը և Դաֆնա Միքելսոն Ջենեթը սոցիալական մեդիա ընկերություններին փորձում են պարտավորեցնել ճշտել օգտատիրոջ տարիքը, ծնողներին թույլ տալ հետևել, թե երեխաներն ի՞նչ են տեսնում իրենց էկրաններին, օրինախախտման դեպքում արձագանքել 3 օրում՝ հետաքննության արդյունավետ գործունեությամբ, անհապաղ արգելափակել օգտատերերի հաշիվները՝ կանխելով հանցագործությունները։

Նախագծի վերաբերյալ իրենց դրական արձագանքն են հայտնել ծնողները, որոնց երեխաները տուժել են համացանցային հանցագործություններից։

Օրինագծի քվեարկությունը նախատեսվում է հաջորդ երեքշաբթի։