Լուսանկարը՝ Չան Չուն Սինգի
Սինգապուրի կրթության նախարարությունը հայտարարում է, որ աշակերտների բնավորության և սոցիալական հմտությունների զարգացումն իրենց քաղաքականության առանցքում է։ Նախարարության պարզաբանմամբ, կրթությունը պետք է գերազանցի ակադեմիական գիտելիքներին և ներառի անձնային ու քաղաքացիական դաստիարակություն։
Նախարարությունը ընդգծում է, որ հարկ է հատուկ ուշադրությամբ նպաստել, որ աշակերտները դպրոցում սովորեն ճանաչել և կարգավորել իրենց զգացմունքները, զարգացնեն կարեկցանք, կառուցեն առողջ փոխհարաբերություններ և կայացնեն պատասխանատու որոշումներ։
Այս հմտությունները խթանվում են ոչ միայն բնավորություն և քաղաքացիություն առարկայի դասերի ժամանակ, այլև արտադասարանային գործունեության։ Կազմակերպվում են այցելություններ, համայնքային նախաձեռնություններ և բնության մեջ տեղակայված ուսումնական ճամբարներ։
Նախարարությունը նշում է նաև, որ ժամանակակից, արագ փոփոխվող և հաճախ անկանխատեսելի աշխարհում ուսուցիչները կարևոր դեր ունեն։ Պետք է օգնել երեխաներին զարգացնել դիմացկունություն և հոգ տանել նրանց բարեկեցության մասին։
Միևնույն ժամանակ, Սինգապուրի կրթության նախարարությունը շեշտում է՝ աշակերտի համակողմանի զարգացման հարցում դպրոցը չի կարող միայնակ լինել։ Արդյունավետ արդյունքի համար անհրաժեշտ է համագործակցություն ծնողների հետ՝ ընդհանուր արժեքային դաստիարակության և սոցիալական հմտությունների ձևավորման համար։
