Լրագրողական խիստ կանոններն ու համակարգն ի զորու են ապահովել ապատեղեկատվության և կեղծ տեղեկությունների տարածման դեմ պայքարի ուղին՝ միևնույն ժամանակ վերականգնելով վտահությունը՝ լրագրության նկատմամբ։

Մեդիայի կարգավորման վերաբերյալ օրեցօր բյուրեղացող դիրքորոշման պայմաններում ուշագրավ է, որ The National Press Club Journalism Institute-ը ապրիլի 17-ին նախաձեռնում է օնլայն քննարկում, որի ընթացքում միջազգային հեղինակավոր լրատվամիջոցների հայտնի ղեկավարները կներկայացնեն իրենց երկրներում մեդիայի նկատմամբ վստահության վերականգնման ջանքերն ու կոնրկետ գործերը։

Նախատեսվում է անդրադառնալ ապատեղեկատվության դեմ լրատվականներում անհրաժեշտ քայլերին, քաղաքացիական ակտիվությունը տեղեկատվական հոսքերում ապահովելու հարցերին, նաև հանրային հարթակներից առավելագույնս անվտանգ օգտվելու կանոններին։