«Հավասարության և մատչելիության ապահովում հաշմանդամություն ունեցող անձանց համար» ծրագրով հոկտեմբերի 12-13-ը Գյումրիում տեղի ունեցավ դասընթաց ԶԼՄ-ների համար:

«Ագաթ» ՀԿ նախագահ Կարինե Գրիգորյանը հատուկ ուշադրություն հրավիրեց հաշմանդամություն ունեցող անձանց վերաբերյալ հրապարակումների էթիկական հարցերին:

Դասընթացը վարող փորձագետներն անդրադարձան հաշմանդամություն ունեցող անձանց վերաբերյալ հրապարակումների լեզվին՝ առանձին ձևակերպումներին և բովանդակությանը: Կարևորվեց թիրախավորումից խուսափելու անհրաժեշտությունը:

Հաշմանդամություն ունեցող անձանց առնչվող ծնողավարության, կրթական, վերարտադրողական առողջության, սեռական բռնության, վերարտադրողական առողջության իրավունքների վերաբերյալ հրապարակումներ անելիս անհրաժեշտ է ցուցաբերել զգայուն և գիտակցված մոտեցում: Մասնավորապես՝ մեծ զգուշությամբ մոտենալ թեմային, կենտրոնանալ բռնության կանխարգելման մեխանիզմների վրա, պաշտպանել բռնության ենթարկված անձանց արժանապատվությունը, ներկայացնել իրավահասավար կրթության կարևորությունը:

Դասընթացը վարողներն ու մասնակիցները համաձայնեցին, որ հաշմանդամություն ունեցող անձանց նկատմամբ արժանապատիվ, հավասար, անկանխակալ վերաբերմունքի հիմքում կրթությունն է: