ԵԽ անդամ երկրները պետք է վերանայեն սոցիալական մեդիայում արտահայտման իրավունքի վերաբերյալ ազգային օրենսդրությունը։ Այս ուղերձով է հանդես եկել ԵԽԽՎ մշակույթի հանձնաժողովը։

Հանձնաժողովը մասնավորապես ուշադրություն է հրավիրում ինչպես կարծիքների արտահայտման ազատության ապահովմանը, այնպես էլ սեփական սոցիալական էջերի կառավարման հարցում մեդիագրագետ մոտեցում ցուցաբերելուն։ Հատուկ ընդգծվում է հրապարակումները օրենքներին համապատասխան մոդեռացիայով ներկայացնելու անհրաժեշտությունը։

Կոմիտեի համոզմամբ, բովանդակության կարգավորումը չպետք է «սառեցնող ազդեցություն ունենա խոսքի ազատության վրա» և չպետք է պարտադրի առկա քաղաքական ուժի տեսակետները կամ «կարծիքների կամ գաղափարների գրաքննություն, որոնք կարող են հակասել իշխող մեծամասնության շահերին»:

Ավելին, ըստ ԵԽԽՎ մշակույթի հանձնաժողովի, ազգային կանոնակարգերը չպետք է ավելորդ ծանրաբեռնվածություն դնեն սոցիալական մեդիայի վրա։ Հակառակ դեպքում, ըստ հանձնաժողովի, կստեղծվեն պայմաններ «բովանդակության հեռացման չափազանց եռանդուն մոտեցման համար»:

Հանձնաժողովն ընդգծում է, որ արհեստական բանականությամբ ստեղծված բովանդակությունը պետք է սոցիալական մեդիայի ալգորիթմներով ճանաչելի լինի օգտատերերի համար։