Լուսանկարը՝ Sky News-ի
ԵՄ-ն դատապարտում է Վրաստանում լրագրողների, քաղաքացիական հասարակության ներկայացուցիչների նկատամբ կիրառվող բռնությունները։ Հայտարարել է ԵՄ արտաքին հարաբերությունների խոսնակ Պետեր Ստանոն։ Նա վրացական իշխանություններին կոչ է արել վերադառնալ եվրոպական ուղի։
Սպիտակ տան արտաքին հարաբերությունների հանձնաժողովի ներկայացուցիչները նամակ են հղել Վրաստանի վարչապետ Իրակլի Կոբախիձեին՝ քննադատելով օտարերկրյա ազդեցության վերաբերյալ օրինագիծը երկրորդ ընթերցմամբ ընդունելու փաստը։
Սպիտակ տան 25 ներկայացուցիչների նամակում նշված է, որ այս նախագիծը վրացական իշխանություններին կընձեռի բռնություն գործադրել, պիտակավորել և պատժել քաղաքացիական հասարակությանն ու անկախ մեդիային, ներառյալ այն ԶԼՄ-ներին, որոնք ֆինանսավորվում են ԱՄՆ-ից և Եվրոպայից։
Նախատեսվում է, որ խորհրդարանն այսօր երրորդ ընթերցմամբ կքվեարկի կրքեր բորբոքած օրինագիծը։ Ուսանողներն այդ առիթով որոշել են վաղ առավոտից շարունակել բողոքի ակցիաները՝ խորհրդարանի մոտ։
