ԵՄ Թվային ծառայությունները կարգավորող ակտի ուժով այս տարվա վերջին Դուբլինում կստեղծվի սոցիալական ցանցերում օգտատերերի իրավունքների խախտումների վերաբերյալ վեճեր քննող մարմինը։

Նախատեսված է, որ այն առաջին փուլում կքննարկի Facebook, TikTok և YouTube հարթակների հետ կապված գործեր:

Կենտրոնը կգլխավորի Թոմաս Հյուգեսը։ Նա Associated Press լրատվական գործակալությանը հայտնել է, որ քննության առարկա են դառնալու սոցիալական ցանցերում ատելության խոսքի, բռնության կոչերի, ապատեղեկատվության փաստերը։ Ի դեպ, անհատներն իրենց գործերի քննության համար պետք է վճարեն 5 եվրո, իսկ կազմակերպությունները՝ 100: Եթե դիմողների օգտին կայացվեն որոշումներ, այդ վճարները կհատուցվեն։

Ֆրանսիական Le Monde հեղինակավոր պարբերականը հիշեցնում է, որ Ֆեյսբուքը 2020-ին սոցցանցերի բովանդակությունը մոդերացիայի ենթարկելու համար ներդրել էր 130 մլն դոլար։