Տեսանյութը՝ ՄՀԿ-ի
Այս տարի Տավուշի մարզի 9-րդ դասարանցիների գրած էսսեների ուսումնասիրությունից հետո լրագրող, mediaforedu.am կայքի խմբագիր, «Մեդիան հանուն կրթության» ՀԿ նախագահ Անուշ Մարտիրոսյանը հարցեր է ուղղել ուսուցիչ, «Մեդիան հանուն կրթության» ՀԿ համահիմնադիր Նելլի Հայրապետյանին և ուսուցիչ Անի Ազատյանին։
Զրույցի ընթացքում վեր են հանվել ներկա կրթական համակարգի խնդիրները. գնահատման ոչ բավարար պատրաստվածությունը, նոր ձևաչափի բարդությունը, կրթական համակարգի արատներն ու դրանց համար նոր հող նախապատրաստելու վտանգները, բացի այդ պաշտոնական մարմնի ու ուսուցիչների տեսանկյունների հակասությունները էսսեների ուսումնասիրությամբ ի հայտ եկած պատկերի վերաբերյալ։
Ուսուցիչները պնդում են, որ էսսե գրելու համար դեռ շատ մեծ աշխատանք կա կրթական համակարգում։ Իսկ երեխաներից էսսե կարելի է պահանջել միայն համապատասխան օղակների և հատկապես ուսուցիչների պատրաստված լինելու դեպքում։
Էսսե գրելուն նախապատրաստելու նպատակով ուսուցիչները ներկայացնում են իրենց առաջարկները։ Մանրամասները՝ տեսանյութում։
