TikTok-ն այսօր հայտարարել է, որ հաջորդ ամիս ԵՄ 27 երկրներում տեղական լեզվի կիրառությամբ կներդնի, այսպես կոչված, ընտրական հանձնաժողովներ։ Նպատակը համացանցով ապատեղեկատվության տարածման կանխարգելումն է։ Հայտնում է Reuters գործակալությունը։
Նախաձեռնության հիմքերը դրվել են 2021-ին և անցյալ տարի կյանքի կոչվել Հունաստանում, Նիդերլանդներում, Լեհաստանում, Սլովակիայում, Իսպանիայում տեղի ունեցած ընտրությունների ժամանակ։
TikTok -ը կարևոր է համարել, որ մարդիկ կարողանան տեղեկությունը տարբերել արհեստական բանականության միջոցով գեներացվող քարոզչական կեղծիքից։ Իր հայտարարության մեջ նշել է TikTok-ի՝ Եվրոպայի, Միջին Արևելքի և Աֆրիկայի ստորաբաժանման ղեկավար Քեյվին Մորգանը։
Աշխատելով տեղական կենտրոնական ընտրական հանձնաժողովների և քաղհասարակության ներկայացուցիչ-կազմակերպությունների հետ՝ այս ընտրական հանձնաժողովներում մեր հանրությունը կկարողանա գտնել արժանահավատ և կարևոր տեղեկություններ,- իր բլոգում գրել է Քեյվին Մորգանը։
Նա տեղեկացրել է, որ TIK Tok-ն աշխատում է Եվրոպայում գործող փաստերի ստուգման 9 կազմակերպությունների հետ։ Նպատակ ունի ընդլայնել համագործակցությունը՝ մեդիագրագիտության ապահովման նպատակով։
Ըստ Մորգանի, այժմ Tik Tok օգտագործում է Եվրոպական խորհրդարանի անդամների 30 տոկոսը։
Նոր մեկնաբանություն